|
EUGENE Y. EVASCO
Si
Eugene Evasco ay kasalukuyang tinatapos ang kanyang M.A. sa Malikhaing
Pagsulat sa U.P. Kawawagi lamang niya ng gantimpala sa 1999 Homelife Poetry
Contest para sa tulang "Baguntao." Kasalukuyan siyang nagtuturo sa Departamento
ng Filipino at Panitikan ng Pilipinas, Kolehiyo ng Arte at Literatura.
ANG LALAKI
SA WAITING SHED
Bumuntal sa aking mga mata
ang braso, dibdib, at puwit
niya
habang pumapara ng masasakyan.
Namamaga itong nais makahulagpos
sa nakabalot na polo at
maong
habang amoy na amoy ko
ang bagong kuhang sinampay
na masinsing pinaplantsa.
Sumandal siyang panandali
sa poste, nag-unat, kinamot
ang batok
at inayos ang lumaylay na
pantalon.
Pinasadahan kong muli siya
mula bakat ng sando
hanggang kinang ng kanyang
katad na sapatos.
Nanlilisik ang kinang ng
anillo de boda.
|
